^

Ulo sa batan-on gimartilyo

Jojo C. Ugdol/RUB (Banat) - February 3, 2015 - 12:00am

CEBU, Philippines - Usa ka batan-on nga makadaghan na madakpi sa pagpanglabni patay na nga napalgan human nga gihapak og martilyo ang iyang ulo sa wala pa hiilhi nga kriminal didto sa dalan Progreso, Barangay Ermita kaniadto’ng Domingo sa hapon.

Matud ni Cebu City Police homicide investigator Alex Dacua nga makadaghan na kaniadto nga nadakpan sa mga tanod ang biktima nga si Julius Sereño, taga Sitio Bato, Ermita, tungod sa pagpanglabni.

Nagduda ang kapolisan nga duna’y nabiktima ang maong menor de-edad ug nanimalos kini kaniya pinaagi sa pagbunal og martilyo sa iyang ulo.

Samtang nagbarug-barog si Sereño sa maong lugar kalit lang miduol kaniya ang usa ka lalaki ug gikalitan pagbunal ang iyang ulo sa usa ka martilyo mao nga nalup-og ang biktima. Ang mga tanod sa Ermita dali nga midala sa biktima sa Cebu City Medical Center (CCMC) apan gideklarar sa mga doktor nga patay na kini’ng daan sa pag-abot.

Sumala pa ni SPO4 Dacua nga ang biktima nakaangkon og grabe kaayo’ng bun-og sa ulo ug maoy nakaingon sa diha-diha nga kamatayon. (BANAT NEWS)

ALEX DACUA BARANGAY ERMITA CEBU CITY MEDICAL CENTER CEBU CITY POLICE DACUA ERMITA JULIUS SERE SITIO BATO
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with