10 opisyal sa DepEd taktakon
Jose P. Sollano (Banat) - December 30, 2014 - 12:00am

CEBU, Philippines – Ipatangtang sa serbisyo ang 10 ka opisyal sa Department of Education-Cebu Province Division human mamatud-i nga sad-an sa sumbong grave misconduct gumikan sa kahiwian sa subasta sa school furniture sa kantidad nga P17 milyones niadtong tuig 2008.

Ang maong anomaliya una’ng nabutyag sa mantalaang The Freeman, igsuon nga mantalaan sa Banat News, nga nakaaghat sa imbestigasyon sa hunta probinsyal sa Sugbo ug ingon man sa Ubos Balay Balauranan human niduso og resolusyon si kanhi Akbayan PartyList Rep. Rissa Hontiveros.

Ang ipatangtang sa serbisyo sa buhatan sa Ombudsman-Visayas mao sila si Serena Uy, ang kanhi schools division superintendent; Judiana Corriente, officer-in-charge sa buhatan  sa assistant school division superintendent, ug chairman sa Bids and Awards Committee.

Lakip sa ipatangtang ang mga sakop sa BAC nga sila si Romualdo Abella, Norberto Torbeso, Daria Sarsalejo, Willie Adonay, Jr., Gervasia Sanchez, Tiburcio Paras, Teonilo Ibarra ug Felix Mejias, Jr.

Sanglit si Uy niretiro na sa katungdanan, ang silot nga gipahamtang kaniya mao ang multa nga usa ka tuig niya’ng suweldo, nga adto kuhaon sa iyang wala pa magamit nga leave credits sa DepEd.

Ang Public Assistance and Crime Prevention Office sa Ombudsman-Visayas ang nisang-at sa sumbong dishonesty, grave misconduct, gross neglect of duty ug falsification of official document batok sa mga opisyal niadtong Enero 30, 2013 ug naluwatan ang desisyon niadtong Agosto 4, 2014.

Ang mga sinumbong nga miyembro sa BAC nihimo og subasta niadtong Hulyo 25, 2008 alang sa 2007 School Furniture Program sa kantidad nga P17,758, 420.

Gihatagan og katungod sa BAC ang Gala Industries Corporation nga maoy makapatuman sa programa bisan pa man kun kini dili usab maayo og performance sa furniture project sa DepEd niadtong tuig 2006. Nakita sa Ombudsman nga daghan mga lagda nga wala masubay sa BAC dihang ilang gihatag ang proyekto ngadto sa Gala Industries Corporation. – /GMR) (BANAT NEWS)

ANG PUBLIC ASSISTANCE AND CRIME PREVENTION OFFICE BANAT NEWS BIDS AND AWARDS COMMITTEE DARIA SARSALEJO DEPARTMENT OF EDUCATION-CEBU PROVINCE DIVISION FELIX MEJIAS GALA INDUSTRIES CORPORATION GERVASIA SANCHEZ JUDIANA CORRIENTE
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with