_banat
^

Carbon Market samok gihapon

Rene U. Borromeo (Banat) - September 10, 2014 - 12:00am

CEBU, Philippines – Ang mga drayber og PUJ nga mosulod sa Carbon Public Market nagreklamo kay wala pa gihapon masumpo ang nagdumala og mga karomata nga mosugat sa mga sakyanan sa “One Way” nga karsada. Matud ni Enrique Bastasa, drayber og PUJ nga taga Lahug, nga usahay dili siya ganahan nga mosulod diha sa Carbon Market tungod kay dugay kaayo sila nga makalusot.

Si Bastasa misugilon nga diha’y higayon nga gibadlong niya ang lalaki nga nagdumala og karomata nga dili unta mosugat sa mga sakyanan apan gihagit na hinuon siya’g away.

Nakahinumdom si Bastasa nga si Market Administrator Raquel Arce mipahibalo sa mga reporters kaniadto nga did-an nila ang mga nagdumala og karomata nga mosugat sa mga sakyanan.

Ang Banat Manobela personal nga naniid sa dalan Progreso ug M.C. Briones nga maoy agianan sa mga PUJ ug ubang sakyanan nga gipanag-iya sa mangompra. Ang mga karomata nga gikargahan og lainlaing kargamento makahasol sa pag-agi sa mga sakyanan kay ang mga drayber mabinantayon nga dili sila makakita’g lalis sa mga nagdumala og karomata.

Nabantayan hinuon nga ang gimugna nga parking area sa kanhi Warwick Barracks nakatabang nga ang ubang sakyanan adto na moparking kay sa anha sa daplin sa karsada. (BANAT NEWS)

ANG BANAT MANOBELA CARBON MARKET CARBON PUBLIC MARKET ENRIQUE BASTASA MARKET ADMINISTRATOR RAQUEL ARCE ONE WAY SI BASTASA WARWICK BARRACKS
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with