Killer sa police chief gikasohan na
Decemay P. Padilla/EIM (Banat) - August 29, 2014 - 12:00am

CEBU, Philippines - Gipasakaan na og kasong murder ang suspek sa pagpusil-patay sa hepe sa Alcoy Police Station nga si Inspector Crisanto Abella sa buhatan ni piskal Ethel Soria Miel sa Provincial Prosecutor’s Office.

Si Ciriaco delos Santos Jr., kanhi police ug usa na ka barangay kagawad karon sa Poblacion, Alcoy ang gidakop human giingong maoy gitumbok nga mipusil kang Abella niadtong Lunes sa gabii.

Ang suspek uban sa iyang abogado miatubang sa  piskaliya ug miduso og waiver of detention aron sa sud sa pito ka adlaw moduso sila og counter affidavit ug resolbahon kini sud sa 15 ka          adlaw.

Suway unta nga kuhaan sa mga tigbalita sa iyang habig ang suspek apan nagdumili kini, hasta ang iyang abogado igo lang mitubag og “no comment.”

Ang inahan ug igsuon ni Abella didto usab atol sa pagpasaka sa kaso ug dihang nahinabi sa Banat News gipadayag sa kabanay sa pamilya nga hustisya gyud ang ilang tinguha sa nahitabo sa biktima.

Si Crisologo Abella maguwang sa biktima emosyonal nga namahayag nga ilaha gyung sigurohon nga mapriso ang suspek ug dili g’yud nila kini mapasaylo.

Human napasaka ang kaso, gibalik og balhog sa Talisay City Jail ang suspek. (BANAT NEWS)

ABELLA ALCOY POLICE STATION BANAT NEWS ETHEL SORIA MIEL INSPECTOR CRISANTO ABELLA PROVINCIAL PROSECUTOR SANTOS JR. SI CIRIACO
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with