Barangay konsehal nikiha batok loot
Mylen P. Manto (Banat) - August 14, 2014 - 12:00am

CEBU, Philippines - Gikiha si kanhi Daanbantayan mayor Maria Luisa Loot og   kasong defamation, threats ug disrespect sa Provincial Prosecutor’s Office.

Ang nagkiha mao si Rowena Valiente, konsehal sa Barangay Pajo, lungsod sa Daanbantayan.

Si Valiente nipasangil nga si Loot mihingan kaniya nga “professional squatter”niadtong sayong bahin ning tuiga.

Niadtong Pebrero 9 nitungha siya ug si Loot sa buhatan sa barangay kapitan sa Pajo alang sa husay sa maong kaso ug didto giingong gilitok ni Loot ang mga makapahiubos nga pulong.

Giingong si Loot miingon usab nga ang lolo ni Valiente nga patay na nga si kanhi mayor Braulio Arriola, Sr. wala’y nahimo sulod sa iyang termino ug ang anak niini nga abogado kay giingong gi ango-ango. Wala mahusay ang kaso ug wala usab motunga si Loot sa laing petsa nga gitakda sa subling husay sa barangay.

Nisang-at usab og reklamo si Valiente sa buhatan sa barangay kapitan sa Poblacion apan wala gihapon motunga si Loot hinungdan nga iyang gipasaka sa piskaliya ang kaso. (BANAT NEWS)

BARANGAY PAJO BRAULIO ARRIOLA DAANBANTAYAN LOOT MARIA LUISA LOOT NIADTONG PEBRERO PROVINCIAL PROSECUTOR ROWENA VALIENTE SI VALIENTE VALIENTE
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with