X-Ray machine sa Mactan airport nag-operate na
Bong Soriano (Banat) - June 4, 2014 - 12:00am

CEBU, Philippines - Nagamit na g’yud sugod kagahapon sa Mactan Cebu International Airport ang bag-ong X-Ray machine nga gimontar didto sa international arrival area sa maong tugpahanan.

Gikalipay kaayo sa kadagkoan sa airport apil ang mga opisyal sa Bureau of Customs, Philippine Drug Enforcement Agency (PDEA) ang pag-operate na sa bag-ong napalit nga kahimanan kay kini dako og ikatabang sa ilang trabaho.

Matud pa ni Customs Police District Commander Jerry Arizabal nga dali na unya ang pagsusi sa mga bagahe nga moagi sa maong area tungod sa X-Ray machines nga makaila og mga butang kontrabando.

Matud sa mga opisyal nga apil nga ma-detect mao ang pipila ka highly taxable goods ug ilegal nga drugas nga makita sa kahimanan.

Si Arizabal miingon nga kaniadto dugay ang pag-release sa mga bagahe kay susihon g’yud nila pinaagi sa mano-mano  kay guba ang ilang X-Ray machine sukad pa kaniadtong tuig 2005.

Ang kadagkoan sa PDEA nalipay usab nga  sayon na lang nila masusi ug mahibaw-an kun ang mga bagahe duna’y gipalusot nga ilegal nga drugas.

Ang maong X-Ray machine usa sa mga proyekto ni Customs Acting Commissioner John Philip Sevilla nga iyang gitugyan ngadto ni Cebu District Collector Roberto Almadin. (BANAT NEWS)

BUREAU OF CUSTOMS CEBU DISTRICT COLLECTOR ROBERTO ALMADIN CUSTOMS ACTING COMMISSIONER JOHN PHILIP SEVILLA CUSTOMS POLICE DISTRICT COMMANDER JERRY ARIZABAL DRUG ENFORCEMENT AGENCY MACTAN CEBU INTERNATIONAL AIRPORT MATUD SI ARIZABAL
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with