Ang Filinvest mobayad na

CEBU, Philippines - Nalipay si Mayor Michael Rama nga gisaaran siya sa kadagkoan sa Filinvest Land Inc. (FLI) nga mobayad na sa dakbayan sa Sugbo ang FLI bahin sa Joint Venture Agreement (JVA)  sa pagtukod og condominium projects diha sa 40 hektaryas nga yuta sa South Road Properties.

Giadto personal ni Rama ang mga opisyal sa FLI sa Manila ug gipasabot nga gikinahanglan kaayo sa dakbayan ang kwarta nga gibana-bana nga moabot og P900 milyones. Gipaabot sa mayor nga ang Filinvest mobayad na karong semana.

Ang kasabutan mao nga ang FLI mohatag og diyes porsiyento nga bahin sa dakbayan gikan sa kinatibuk-an nga halin sa mga condominium projects nga gitukod sa yuta sa dakbayan diha sa SRP.   (BANAT NEWS)