^

Banat Balita

Pag-downgrade sa kaso gikwestyon

Mylen Manto - Banat

CEBU, Philippines - Gikwestiyon sa igsuon sa namatay nga gipasanginlang nag ‘shoplift’ sud sa usa ka department store sa dalan Colon ang pag-dismiss ug pag-downgrade  sa kaso batok sa usa sa mga suspek sa kamatayon sa ilang igsuon.

Si Marie Shanylle Ducayag, igsuon sa namatay nga si Mario Alfie, mikwestyon sa resolusyon sa piskalya nga nag- clear ni Melvin Boyles sa kasong murder.

Si Boyles usa sa mga gikasuhan sa National Bureau of Investigation (NBI)-7 sa pagkamatay ni Mario Alfie sud sa security office sa maong mall niadtong Abril 12, 2013.

Kauban ni Boyles   nga gikasohan mao sila si Mauricio Doblados, Jr., head sa security sa mall ug Jeffrey Aquino, operator sa closed-circuit television (CCTV) camera.

Bisan pa man og wala pa nabasa ni Marie Shantylle ang maong resolusyon sa motion for reconsideration nga gipirmahan ni Fiscal Gandhi Truya ug  gi-affirm ug gi-modify ni City Prosecutor Nicolas Sellon, gusto na nilang masayod sa iyang inahan nga si Fe Soledad kun nganong na-dismiss sa kasong murder si Boyles.

Buot karon nilang modangop kang Atty. Mae Elaine Bathan, Integrated Bar of the Philippines Cebu City Chapter president ug National Bureau of Investigation (NBI)-7 Regional Director Antonio Pagatpat aron mangayo og legal advice.

Sa unang resolusyon nga gipagawas ni Fiscal Anna Lou Fernandez-Cavada, girekomendar niini ang pagpasaka og kasong murder batok nila ni Boyles, Doblados ug Aquino tungod sa kamatayon ni Mario Alfie.

Apan ang ilang mga abogado mi-file og motion reconsideration ug nangayo og reversal sa ruling ni Cavada.

Base sa evaluation ni Truya sa mga ebidensya nakakita siya’g igong basihan para mapasaka ang kaso batok ni Doblados ug Aquino tungod sa giingong pagkulata nila kang Mario Alfie, 23.

Apan girekomendar niya nga i-dismiss ang kasong murder batok ni Boyles ug himuon na lang kining homicide.

Si Sellon midason sa gihimong kausaban ni Truya kay matud pa iyang nakita nga walay partisipasyon si Boyles sa krimen kay igo lang kining mihatod ni Mario Alfie sa security office aron pag-verify kun mibayad ba gyud kini sa sandals nga giangkon sa biktima nga iyaha nang nabayran sa counter-7 sa maong mall.

Samtang ang Office of the Ombudsman for the Military and Other Law Enforcement Office (OMB-MOLEO) mimando kang Dr. Nestor Sator, ang medico-legal officer sa Philippine National Police (PNP) Crime Laboratory sa pagsumitir sa iyang counter-affidavit sud sa 10 ka adlaw human madawat ang reklamong gipasaka sa inahan ni Mario Alfie nga si Fe Soledad.

Si Fe Soledad mikiha ni Sator tungod sa giingong sayop nga autopsy result nga gipagawas niini kay di tinuod nga tuberculosis ang gikamatyan sa iyang anak base sa resulta sa re-autopsy nga gihimo sa NBI nga nag-ingong traumatic injury of the neck ang gikamatyan sa biktima. (/EIM)(BANAT NEWS)

APAN

AQUINO

BOYLES

CITY PROSECUTOR NICOLAS SELLON

CRIME LABORATORY

DOBLADOS

FE SOLEDAD

MARIO ALFIE

NATIONAL BUREAU OF INVESTIGATION

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with