^

Banat Balita

LTFRB may special permit sa mohulip sa Ceres bus

Chester Abadilla/WC - Banat

CEBU, Philippines - Ang kadagkoan sa Land Transportation Franchising and Regulatory Board ( LTFRB)-7 motugot  sa  ubang mga bus companies nga maoy mohulip sa rota sa napulo ka mga Ceres bus nga gisuspenso sa pagbiyahe karon  sa kagamhanan.

Kini human  sa disgrasya didto  sa  lungsod sa Badian sa miaging  adlaw nga mikalas og duha ka kinabuhi ug niangol sa 31  ka  tawo.

Si LTFRB-7 Regional Director Ahmed Cuizon miawhag  sa  ubang mga kompaniya  sa  bus  pasaheroan nga moduol sa ilang buhatan ug mo-apply og special permit aron makabiyahe sa mga lungsod sa lalawigan nga  gibiyahian sa napulo ka mga Ceres bus nga gidid-an una nga makabiyahe.

Kini aron sila nay mopadayon sa pagsilbi sa mga pasahero sa mga lugar nga maapektohan sa maong  suspension.

Gipalanog ni Cuizon ang maong awhag ngadto sa mga ubang mga bus pasaheroan  tungod sa gipaabot niya nga pagdaghan unya sa mga pasahero niining pagsaulog sa Pasko ug sa Bag-ong Tuig.

Iyang giangkon nga daghan gyud ang maapektohang  pasahero niining  maong suspension  sa  mga  sakyanan  sa Ceres  hinungdan nga andam  ang iyang buhatan nga mohatag og special permit sa mga bus  nga silbing  temporaryo  nga  mohulip  sa  serbisyo  sa mga  sakyanan  sa Ceres.

Midugang  si  Cuizon  nga posibling malangay ang pagpakanaog sa desisyon sa iyang buhatan kun ilibkas ba o hingpit nga ikanselar ang prankisa sa 10 ka mga Ceres bus tungod sa insidente sa kadalanan didto sa Badian.

Kini tungod usab sa kapakyas sa nagdumala sa Ceres nga  mao  ang  Villacar Transit Corporation sa paghatag og tukmang tubag sa hinungdan sa nahisgutang disgrasya ug nganong gitugotan nga makamaneho ang driver niini bisan og hubog.  (BANAT NEWS)

BUS

CERES

CUIZON

KINI

LAND TRANSPORTATION FRANCHISING AND REGULATORY BOARD

REGIONAL DIRECTOR AHMED CUIZON

VILLACAR TRANSIT CORPORATION

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with