Mga lalin padayong giatiman sa DSWS
Liezl Mabini Frasno (Banat) - November 19, 2013 - 12:00am

CEBU, Philippines - Ang Department of Social Welfare and Services sa Central Visayas (DSWS-7) padayong miatiman  sa mga biktima sa bagyong Yolanda.

Sa pakighinabi sa Banat News kang  Ester Concha, Social Welfare Chief sa DSWS-7, nasayran nga sukad  mahiabot  dinhi  sa Sugbo  ang  mga bakwit  gikan  sa Tacloban  ila gayud nga gimonitor ang pagkaon ug usab ang maayong panglawas niini.

Dugang pa ni Concha nga dul-an sa 70 ka bakwit ang unang gihatod sa Tinago Gym sa dakbayan sa Sugbo alang  sa  ilang temporaryong kapuy-an .

Gihatag  usab  kanila  ang nag-una  nilang  panginahanglan bisan sa  mga  dugang  pang  evacuation centers  nga  nahimutang sa mga  barangay  Cogon-Ramos,  Mambaling, Inayawan ug  Mabolo.

Gipadayag ni Concha nga sa pag-abot sa maong mga bakwit, nag-abot-abot usab ang mga hinabang sama sa pagkaon, tubig  ug  uban pa.

Gialima  dayon  sila  sa   representante sa DSWD-7.

Gisaysay usab ni Concha nga aduna nay ubang bakwit nga gikuha sa ilang paryente nga taga  dakbayan sa Sugbo.

Hinuon  ang  uban  miadto  sa Manila  sa ilang  mga paryente  usab  didto.

Si Concha nagkanayon nga sa pag-abot sa maong mga bakwit adunay uban nga subo gayud kaayo tungod kay dili naman nila kuyog ang kinatibuk-ang membro sa ilang pamilya  dihang namatay  kini sa  pagbagyo.

Gitug-an ni Concha nga gipahigayon na  usab  nila  ang  mga stress debrifieng sa matag  evacuation  center aron mahuwasan  sa kakuyaw  ang  matag  usa  sa maong  mga  lalin.

Hinoon matud pa ni Concha  nga  ang  mga  doktor  ug  mga  psychologists, psychiatrist ug  uban  pa  nga  sakop  sa grupo  sa  mga mipahigayon  og  stress debriefing, gi-screen una nila una sila  tugoti  nga  makamaymay  sa maong mga bakwit.

Hinuon gipaabot  pa  gihapon  ni Concha  ang  dugang  pang  mga  lalin  nga  moabot  dinhi  sa Sugbo  gikan  sa Tacloban.( /WC)(BANAT NEWS)

ANG DEPARTMENT OF SOCIAL WELFARE AND SERVICES BANAT NEWS CENTRAL VISAYAS CONCHA ESTER CONCHA HINUON SUGBO
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with