Maguwang gipatay sa manghod
Lesley Caminade-Vestil (Banat) - September 9, 2013 - 12:00am

CEBU, Philippines - Giunay pagpatay sa usa ka manghod ang iyang maguwang nga giingong dugay nang walay maayong relasyon kagahapon sa buntag diha sa barangay Cansuje lungsod sa Argao.

Ang biktima nailhan nga si Lidonio Duran,50, molupyo sa maong dapit samtang ang suspetsado nailhan usab nga si Carlos nga manghod sa biktima.

Sa pakighinabi sa Banat News ni PO3 Benjamin Gerozaga sa Argao Police nga naglingkod ang biktima sa lantay sa balay sa silingang si Jose Camarillo dihang giduol sa suspek ug gipusil kini gamit ang kalibre .38 duha ka higayon.

Ang biktima naigo sa iyang liog ug ulo nga miresulta sa iyang hinanaling kamatayon.

Ang suspek mitahan ngadto kang konsehal   Alfredo Gerozaga kinsa maoy midala kaniya sa presinto.

Matud pa nga dugay nang dili maayo ang relasyon sa managsuon tungod sa giingong pagka-bugalbugalon sa maguwang. (BANAT NEWS)

ALFREDO GEROZAGA ARGAO ARGAO POLICE BANAT NEWS BENJAMIN GEROZAGA CANSUJE GIUNAY JOSE CAMARILLO LIDONIO DURAN
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with