Itok mihural bisan sa bagyong Gorio
(Banat) - June 30, 2013 - 12:00am

CEBU, Philippines - Mihural kagahapon sa iyang katungdanan ang bag-ong mayor sa lungsod sa Daanbantayan nga si Engr. Augusto “Itok” Corro ug iyang kaubanang napili sa niaging eleksiyon bisan pa sa bagyong “Gorio” nga niigo sa amihanang bahin sa lalawigan sa Sugbo.

Si Bogo City Mayor Celestino “Junie” Martinez Jr. ang nipahural nilang Corro, Bise Mayor Gilbert Arrabis Jr. ug konsehal nga sila si Chona de Leon ug Emmanuel Benatiro.

Mitambong ang kanhi mga opisyal sa lungsod nga sila si kanhi bise mayor Jose de Leon Jr. ug Mariano Diaz ug ang magsoong kanhi konsehal nga sila si Hiram ug Renato Benatiro, Jovencio Taneo ug Rosannie Luche.

Nisaksi sa kalihukan ang pamilya ni Corro sama sa iyang mga igsoon nga sila si Lapu-lapu City Mayor Paz Radaza, University of the Philippines-Cebu College Dean Liza Corro, ug uban pa.

Nag-una sa mga programa ni Corro ang pagsanta sa ilegal nga drugas ug panagat hinungdan nga iyang itudlo si retired Col. Hiram Benatiro isip  consultant on peace and order.

Gibaharan ni Corro ang mga nagpaluyo sa ilegal nga kalihukan sa pagpalayo nang daan sa lungsod sanglit inihap na lang ang ilang mga adlaw.

Samtang nasagmuyo si Corro sa wala gihimong turnover ni kanhi Mayor Maria Luisa Loot ngadto kaniya subay sa kamandoan sa Department of Interior and Local Government.

“Ngano kaha? Tingale lang og may gibuhat nga dili maayo?” nakapangutana si Corro. Karong Lunes, mangayo si Corro sa tagsatagsa ka report sa mga department heads.

Gihulagway ni Martinez nga ang kadaugan ni Corro maoy labing dakung kadaugan sa tibuok lalawigan sa Sugbo.

Si Arrabis nihulagway usab nga usa ka “destiny” ang ilang kadaugan.  (BANAT NEWS)

BISE MAYOR GILBERT ARRABIS JR. CITY MAYOR PAZ RADAZA CORRO DEPARTMENT OF INTERIOR AND LOCAL GOVERNMENT EMMANUEL BENATIRO HIRAM BENATIRO JOVENCIO TANEO KARONG LUNES
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with