Chinese Ambassador nanghulga?
CEBU, Philippines — Giisip ni Presidentes Ferdinand Marcos Jr. nga susama og usa ka hulga ang pamahayag ni Chinese Ambassador Jing Quan bahin sa pamahayag niyang “easy win” sa China kung mogamit sila og kusog batok sa Pilipinas.
Matud pa sa presidente: “sounds very much like a threat and not a diplomatic statement to be made.”
Gustong masabtan ni Marcos kung “what it is exactly he means.” Ug gusto niya personal nga makaestorya ang ambassador para maklaro kung unsay buot ipasabot niini.
Nagtimbang-timbang ang presidente ani human nga ang Department of Foreign Affairs (DFA),misaway sa pamahayag ni Jing tungod sa gihulagway nilang “poor choice of words.”
Nga ang resulta hinuon mura kini og “a thinly veiled threat of the use of force.” Giawhag sa DFA ang mga diplomats nga mag-amping sa ilang mga pulong nga gamiton.
“The business of diplomacy requires tact and restraint in order to create space necessary for discourse, dialogue and engagement, regardless of the disparity in positions or perspectives,” sumala pa sa DFA.
Matud pa sa DFA nga dili makatabang ang maong pamahayag karon nga komplikado na ang relasyon sa duha ka nasud.
Si Jing namahayag niini atol sa iyang pagpamulong sa second Diliman Dialogues, nga gi-organisar sa Philippines-China Studies Center of Diliman College sa Quezon City.
Nasagmuyo si Jing human nga gihinganlan ni Secretary of Defense ang China nga "troublemaker".
"If we want to use force, we may easily win. But no, we will not use force. You know, we love peace," matud pa niya.
Iyang gisaway ang pagdakop sa matud pa niya nga inosenteng Chinese nga mga magtutudlo, mga Chinese nga nanarbaho dinhi ug uban pa.
Matud pa niya, angay pa gani ta magpasalamat nga naay silingan nga parehas sa China.— IBM BANAT NEWS
- Latest
