Polis nga napatay sa Bohol gilubong na
CEBU, Philippines — Gihatod na sa iyang katapusang kapahulayan niadtong Miyerkules , Marso 6, 2024 si Police Corporal Gilbert Amper.
Si Amper nakalas sa engkwentro tali kapulisan ug militar sa gituohang grupo sa mga rebelde sa Purok Matin-ao 2, Barangay Campagao, Lungsod sa Bilar, Probinsiya sa Bohol sa miaging semana. Usa ka Santos nga Misa ang gihimo sa simbahan sa Lungsod sa Calape sanglit taga didto man ang nakalas nga polis.
Human sa Santos nga Misa gihatod na sa pamilya, kaparyentihan, higala ug classmates si Amper sa sam-ang sa Lungsod sa Calape.
Si Amper sakop kini sa Batch 2017-01 Ephesians ug nadestino sa Bohol Police Provincial Office (BPPO).
Kahinumduman si Corporal Amper gihatagan og award nga Medalya ng Kadakilaan apil na sab ang financial assistance gikan sa Police Regional Office(PRO)-7 ug ingon man tseke nga P1 million gikan sa Public Safety Mutual Benefit Fund, Inc. (PSMBFI. (BANAT NEWS)
- Latest
