Tabang pinansyal nga nadawat sa Lapu-Lapu miabot og kapin sa P15 milyon
CEBU, Philippines — Mayor Junard "Ahong" Chan sa Dakbayan sa Lapu-Lapu mapasalamaton sa tanan nga nipaambit sa ilang donation para sa mga nasunogan sa Barangay Pusok sa nahisgutang siyudad.
Gitug-an ni Chan nga miabot ngadto sa 15,454,876.00 ang kinatibuk-an nga financial donations nga misulod sa siyudad gikan sa lain lain nga mga LGU, private companies og mga individuals, apil usab ang mga nasudnong buhatan sa gobiyerno. Subay niini gipahibawo sa mayor nga ang tanan nga nitabang nakadawat gayud og resibo gikan sa City Treasurers Office pagpakita nga bisan sentabos apil sa audit. Gipahigayon usab ang special session sa konseho aron maaprobahan ang pagpagawas sa pundo para magamit na sa mga biktima sa sunog.
Ang maong ayuda gawas kini sa gihatag sa kagamhanan nga 3 ka buwan nga rental subsidy nga ilang gigamit pagbayad sa renta sa ilang mga giabangan nga balay.
Si mayor Chan nipasalig nga dili mobiya hangtud nga dili makatukod pagbalik ang mga residente sa ilang mga panimalay. MEL BANAT NEWS
- Latest
