Pamilyang durugista nasikop sa buy-bust
CEBU, Philippines — Nadakpan ang usa ka pamilyahan nga gikatahong nalambigit sa pagpamaligya og ilegal nga drugas atol sa buy-bust operation sa Station Drug Enforcement Unit (SDEU) sa Sawang Calero Police Station diha sa Genera Gines Street, Barangay Suba, Siyudad sa Sugbo niadtong Martes sa gabii.
Ang subject sa buy-bust mao si Proilan Laborte Alba alyas “Froilan”, 25-anyos, walay trabaho, residente sa maong lugar.
Gawas kang Proilan nadakpan usab ang iyang amahan nga si Luisito Librea Alba, 50-anyos ug inahan nga si Geralyn Laborte Alba, 44-anyos.
Nakuha sa mga polis gikan sa mga suspetsado ang 15.3 gramo nga shabu nga nibalor tanan ngadto sa P104,000.
Base sa report sa Sawang Calero Police Station sa Cebu City Police Office nga dugay na nga nalambigit sa ilegal nga drugas ang maong pamilya.
Ang transaksiyon nahitabo duol sa panimalay sa mga suspetsado hinungdan nga dihang nahitabo ang buy-bust gitawag ni Proilan ang iyahang inahan ug amahan ug nangayo og dugang item kay aduna pay laing mo-order.
Apil ang laing usa ka anak sa magtiayon nga naila sa ngalang alyas “Justine” apan wala kini naapil sa dakop gumikan kay wala kini dihang gihimo ang operasyon. (BANAT NEWS)
- Latest
