Turismo sa Lapu-Lapu padayong nisaka

CEBU, Philippines — Turismo sa Dakbayan sa Lapu-Lapu padayon karong nisaka human sa nanglabay nga COVID-19 pandemic ug bagyong Odette.

Kini ang gibutyag ni Raffy Rafols, tourism officer sa siyudad.

Matud ni Rafols nga isip kabahin sa ilang fiesta celebration nihimo sila og tourism night diin tanang mga stakeholder ang nagtapok-tapok alang sa maong kalihokan.

Gibutyag ni Rafols nga nisaka na karon ang gidaghanon sa mga turista nga nibisita sa ilang dapit ug malaumon sila nga sa 2024 mas dakong bul-og sa turista ang mangabot sa siyudad.

Nakita sa tourism officer ang mga nag-unang turista nga gilangkuban sa mga Korean, Japanese, Pinoy tourist, Caucasian ug adunay mga Indian. — /BDB (BANAT NEWS)