Pansayan sa mga terminal sa probinsiya panindoton
CEBU, Philippines — Mas palambuon pa sa Probinsya sa Sugbo ang mga pansayan sa Cebu South Bus ug North Bus Terminal.
Ang Provincial Economic Enterprise Council (EEC) nga gipangulohan ni Gov. Gwen Garcia mitugot sa Mister Loo Philippines ang Original Proponent Status nga maoy modevelop sa tech-enabled toilet sa mga gidumala nga terminal sa Kapitolyo.
Si Sarah Pante ang country manager sa MLP, mipresentar sa ilang unsolicited proposal atol sa EEC meeting sa Kapitolyo niadtong Nobiyembre 8.
Ang MLP mitanyag sa pagdevelop o pagpalambo, pag mintinar ug pag operate sa mga comfort rooms o pansayan sa Cebu South Bus Terminal ug Cebu North Bus Terminal.
Ubos sa maong proposal, ang MLP maoy mogasto sa pagpalambo ug operasyon sa pansayan, ug maoy moatubang sa publiko sa mga concerns kalabot sa mga CR sa mga terminal.
Apil sa ilang proposal ang pag install og air conditioning units, breastfeeding area, ug lounge area aron makahatag og hamugaway ingon man komportable nga toilets sa terminal.
Sumala sa Capitol, ang ubang firm makapresentar usab kini sa ilang mas maayo nga term pag-abot sa pagpalambo sa mga toilet sa Kapitolyo ubos sa Swiss Challenge sa government contracts.
Ang MLP usa ka innovative public toilet concept gikan sa Switzerland nga nag tinguha pag digitalize sa public toilet sector. MEL (BANATNEWS)
- Latest