Ika-122 nga Police Service Anniversary gisaulog sa LCPO

CEBU, Philippines — Gisaulog sa Lapu-Lapu City Police Office ang ika-122 nga Police Service Anniversary.

Ang maong selebrasyon alang karong tuiga ang nagdala sa tema nga "Nagkakaisang Pulisya at Pamayanan tungo sa Mapayapa at Maunlad na Bansa"

Si Police Colonel Elmer Lim nga maoy direktor sa LCPO kinsa mao usab ang nangulo sa kalihokan maoy nagpaila sa ilang guest of honor ug speaker nga si Atty Risty Sibay, OIC sa Office of the Assistant Regional Director sa National Police Commission.

Samtang gipasidunggan atol sa kalihukan ang mga PNP personnel, units, ug mga stakeholders gumikan sa ilang outstanding service nga nakatampo sa dakong kalamposan sa LCPO.

Sa iyang pagpamulong si Atty Sibay mipadangat sa iyang pagdayeg sa mga awardees ug mga stakeholders tungod sa hugot niining suporta ngadto sa LCPO nga nakatabang kaayo sa pagtuman sa kapolisan sa ilang mandato nga paghatod sa epektibong serbisyo sa publiko. (BANAT NEWS)