Insidente sa pagpamusil sa Olango padayong gisusi sa kapolisan
CEBU, Philippines — Nagpadayon pa karon sa ilang pakisusi ang kapolisan sa Lapu-Lapu Cty Police Office (LCPO) sa gikatahong pagpamusil nga nahitabo sa Barangay Tingo, Isla sa Olango sa Siyudad sa Lapu-Lapu atol sa gipahigayon nga Barangay ug Sangguniang Kabataan Election (BSKE) 2023.
Si Police Lieutenant Colonel Christian Torres, pangulo sa City Investigation Detection and Management Unit (CIDMU) ug tigpamaba sa LCPO nagkanayon nga ang maong taho sa pagpamusil ilang gisalikway nga adunay kalambigitan sa gipahigayon nga BSKE.
Matud ni Torres nga sa pakisusi nga ilang gihimo diha sa maong dapit ilang nasuta nga ang biktima walay kontra ug dili usab kini dumadapig sa mga nagkaatbang nga kandidato.
Giingong walay matumbok nga suspetsado gumikan kay atol sa hitabo walay nakitang tawo diha sa lugar.
Si Torres nihulagway sa niaging BSKE nga hapsay ug malinawon gawas lang sa maong hitabo nga adunay naangol ug gidala sa tambalanan. (BANAT NEWS)
- Latest