Dili makasumiter sa SOCE, dili makaasumer sa katungdanan–Comelec
CEBU, Philippines — Mga nidaog sa niaging Barangay ug Sangguniang Kabataan Elections (BSKE) sa Siyudad sa Mandaue dili makasumer sa ilang katungdanan kon mapakyas kini
sa pagsumitir sa ilang Statement of Contribution and Expenditure (SOCE) hangtud sa gihatag nga deadline sa Commission on Election (Comelec) sa Nobiymbre 29, 2023.
Gawhag sa ilang advisory sa buhatan sa Comelec sa Siyudad sa Mandaue ang mga nidaog o napildi nga kandidato sa niaging BSKE sa pagsumitir sa ilang SOCE diin usab sila nihimo sa pag-file sa ilang Certificate of Candidacy (COC). Sa maong advisory nga gi-post sa Comelec sa siyudad nagkanayon kini nga dili tugotan sa pag-asumer sa katungdanan ang mga nakadaog nga kandidato sa niaging BSKE hangtud nga ilang masumitir ang ilang SOCE sulod sa mga adlaw nga gitugot sa balaod sa pagsumitir niini.
Ang Agency's Political Finance and Affair Department nga gi-post sa social media page sa Comelec sa Siyudad sa Mandaue nagkanayon nga ang deadline sa submission sa SOCE "final and non-extendible”.
Dugang sa maong advisory nga ang mga SOCE nga isumitir nga nilapas na sa gihatag nga deadline dili na kini dawaton.
Nalakip sa gilatid sa pagsumitir sa SOCE mao ang kwentada sa nagasto sa nikandidato gikan sa ilang kaugalingong kwarta, donasyon ug uban pa nga nagamit sa panahon sa ilang pagpangampaniya
Ang pagsumitir sa SOCE mahimong ipaagi kini sa registered mail samtang ang electronic mail courier o messenger services ang wala kini itugot sa Comelec. — /BDB (BANAT NEWS)
- Latest