Mga suspek sa pagpanulis sa coffee shop kasohan sa Lunes

CEBU, Philippines —  Gikatakda sa Lunes ang pagpasaka og kasong pagpanulis batok sa mga suspek sa tulis sa usa ka coffee shop diha sa Salinas Drive, Barangay Lahug, Dakbayan sa Sugbo sa niaging adlaw.

Ang tulo ka suspetsado anaa na kustodiya sa Cebu City Police Office (CCPO).

Si Cyrus Rallos nga nagsilbing look-out nadakpan atoll sa hot pursuit operation sa CCPO samtang sila si Arvin Malolot ug Jiovanie Lagahit nitahan sa Mandaue City Police Office ug Mabolo Police Station 4 sa Cebu City Police Office.

Ang gihimo sa mga suspetsado nakuha sa close circuit television (CCTV) camera ug gi-post kini diha sa social media diin daling ni-viral ang maong video footage hinungdan nga nagtago-tago ang mga suspetsado.

Matud ni Police Lieutenant Colonel Janette Rafter, deputy city director for operations ug tigpamaba sa Cebu City Police Office nga wala mohunong ang kapolisan sa ilang aksyon hangtud nga nasikop ang mga suspetsado. (BANAT NEWS)