Dugang duha ka barangay sa Compostela gideklara nga drug cleared

CEBU, Philippines —  Human sa usa ka komprehensibo nga mga pakisusi nga gihimo diin lakip niini ang pagproseso  sa deliberasyon alang sa pormal nga pagdeklarar sa Regional Oversight Committee on Barangay Drug Clearing  (ROCBDC)  ug  sa Philippine Drug Enforcement Agency-7 sa Barangay Cabadiangan ug  Barangay Tamiao nga nalakip na karon sa mga  drug cleared barangay  sa Lungsod  sa Compostela.

Ang maong kalihokan gipangulohan ni Benjamin Recites III, deputy director sa PDEA-7 ug Police Captain   Kelvin Roy Mamaradlo, officer-in-charge sa Compostela Police Station uban ni Mayor Felijur Quiño, opisyales sa Department of Interior and Local Government, Municipal Health Office, Department of Health, Municipal Anti-Drug Abuse Council, Bureau of Fire Protection ug mga kapitan sa Barangay Tamiao ug Cabadiangan.  

Ang Lungsod sa Compostela karon aduna nay upat ka drug-cleared barangays diin nagpamatuod kini sa walay hunong nga paningkamot ug tukmang dedikasyon sa kapolisan kauban sa opisyales sa barangay sa lungsod. BDB (BANATNEWS)