23 anyos nilayat sa taytayan missing

CEBU, Philippines — Gipangita karon ang usa 23 anyos nga lalaki nga giingong gikan milayat  sa Marcelo Fernan Bridge alas-9 pasado sa miaging Miyerkules sa gabii.

Basi sa nahipos nga impormasyon, ang maong lalaki giingong taga Barangay Labogon, nagpahatod og habal-habalpaingon sa maong taytayan ug pagabot didto mikanaog kini ug mitungtong dayon sa railings niini.

Ang habal-habal drayber misulay unta sa pagpugong kaniya apan nilayat kini dayon sa ubos tugpa sa dagat sa Mactan Channel sa habig nga bahin sa Barangay Umapad.

Si  Atty. John Eddu Ibañez, executive sectary ni Mayor Jonas Cortes   sa iyang  post sa social media miingon nga alas 10  na pasado nila nga nadawat  ang   maong alarma gikan sa habal-habal drayber nga naghatod  sa maong lalaki.

Matud pa ni  Ibañez  nga kusog ang sulog sa dagat sa Mactan Channel  sa gipahigayon nga joint rescue operation nga   naglakip sa  mga CDFRRMO personnel  ug kauban  ang  CDRRMB sa Siyudad sa Lapu-Lapu ug ingon man mga sakop sa Philippine Coast Guard ug Maritime Police.

Apan wala kini makaplagi hangtud ning pagsuwat sa balita. (BANATNEWS)