Gunrunner sa Danao nadakpan

CEBU, Philippines — Mamaligyaay og armas sa Dakbayan sa Danao ang nasikop sa kapolisan sa maong siyudad ug nakuhaan og daghang mga paltik diha sa Sitio Cogon, Barangay Guinsay niadtong Huwebes sa gabii.

Ang nasikop giila nga si Ahmed Repaso Martel residente sa maong lugar. Nasakmit gikan sa dinakpan ang mga nagkadaiyang klase sa armas nga naglangkob sa 15 ka  mga .9mm caliber pistols ug mga magazines niini.

Usa ka .45 caliber pistol, duha ka shotguns, duha ka revolvers ug ang buy bust money.

Nangulo sa maong operasyon mao si Police Staff Sergeant Mark Anthony Mata uban sa mga kaubanan niini ug ubos sa supervision sa hepe sa Danao City Police Station Police Major Maria Theresa Macatangay.

Ang dinakpan pasakaan og kaso nga kalapasan sa Republic Act 10591. /IBM (BANATNEWS)