Colon Night Market gipahunong

CEBU, Philippines — Subay sa gipatuman nga general community quarantine, gipahunong una ni Cebu City Mayor Edgardo Labella ang Colon Night Market.

Kini aron pagtuman sab sa social distancing nga kalikayan ang coronavirus disease (COVID-19).

Ang kamanduan giluwatan ni Labella sugod kagahapon hangtud nga malibkas ang general community quarantine sa Siyudad sa Sugbo.

Niadto pa untang Pebrero nahuman ang night market sa dalan Colon apan si Labella nilugway niini.

Si Labella makig-estorya pa sa mga manindahay labot sa maong katuyuan. /GMR (BANATNEWS)