Tulo ka kawani sa city hall pasumitihon og counter affidavit
CEBU, Philippines – Gihatagan sa City Prosecutor’s Office og 10 ka adlaw sa pagsumitir sa ilang counter affidavit ang tulo ka babayeng kawani sa Cebu City Hall kabahin sa reklamo batok kanila.
Si Lorenzo Basamot, hepe sa records and archives management division ubos sa Department of General Services nipasaka og kasong libelo niadtong Nobiyembre 27, 2019 batok sa tulo ka kawani sa city hall.
Ang maong mga babayeng kawani una kining nipasangil kang Basamot nga giingong giabuso sila sa maong department head.
Sayo pa, si Basamot nipasangil kini nga dunay bulok politika ang pasangil batok kaniya tungod kay aduna siya’y plano nga molansar isip barangay kapitan sa sunod eleksiyon.
Si Maria Luisa Ratilla, hepe sa Trial and Subpoena Division nipadala og subpoena ngadto sa tulo ka kawani aron kini mosumitir sa ilang counter affidavit sulod sa 10 ka adlaw.
“I am praying that truth will prevail. I will fight to give justice to my wife and my family”, matud ni Basamot.
Ang nahisgutang tulo ka kawani nipasaka kini og kasong sexual harassment batok kang Basamot ngadto sa City Prosecutor’s Office niadtong Disyembre 6, 2019. /BDB (BANAT NEWS)
- Latest
