Lima ka pusher sikop sa buy bust
CEBU, Philippines – Natanggong sa detention cell sa Consolacion Police Station ang tulo ka suspetsadong pusher kinsa nadakpan sa buy bust operation sa kapolisan diha sa Purok 1, Barangay Nangka, Lungsod sa Consolacion niadtong Miyerkules sa gabii.
Police Master Sergeant Aquillis Bacorta sa Consolacion Police Station niila sa mga suspetsado nga sila si Randy Torrifel, 34-anyos, construction worker, nagpuyo sa nahisgutang dapit ang nakuhaan og duha ka paketeng shabu, Allan Judilla, 35, anyos ug Nolito Puno, 44, mga residente usab sa maong lugar ang nakuhaan og pito ka gagmay nga paketeng shabu.
Samtang sa gipahigayong buy bust operation kagahapon sa kadlawon nila ni Police Major Wayne Magbanua, hepe sa Presinto 3 sa Lapu-Lapu City Police Office (LLCPO) diha sa Barangay Canjulao sa maong siyudad nasikop si Dave Inoc, 22, taga Barangay Alegria, Lungsod sa Cordova ug Alberth Ambit, 22, taga Barangay Canjulao.
Ang duha nasakmitan og mga paketeng shabu nga nitimbang tanan sa 8.5 gramos ug nikantidad tanan sa P57,800. /BDB (BANAT NEWS)
- Latest