Nobyembre 1 ug 2 malinawon sumala pa sa PRO-7

CEBU, Philippines — Hapsay ug malinawon ang pagtapos sa Adlaw sa mga Santos ug Kalag-Kalag sa kinatibuk-an sa Central Visayas sumala pa sa labaw sa kapolisan sa rehiyon.

Si Police Regional Office 7 Regional Director Police Brigadier General Valeriano De Leon nangunay og susi sa pipila ka mga sam-ang ug usab ang iyang mga provincial ug city directors sa ilang hurisdiksyon.

Walay natalang dagkong mga panghitabo nga nasugatan ang kapolisan niadtong Nobiyembre 1 ug 2.

Nabantayan sab nga menus ra ang mga nasakmit nga mg a gipangdili nga dalhon sud sa mga sementeryo sama sa mga mahait nga hinagiban, ilmnong makahubog ug uban )pa.

Sa kinatibuk-an mokabat ngadto sa kapin 3.5 milyones ka tawo ang natala nga nibista sa mga mahal nila sa kinabuhi sa nagkalain-laing mga sam-ang sa tibuok Central Visayas.

Ang mga nasakmit nga mga gipangdili gilangkuban sa 727 ka mga mahait nga hinagiban, 305 nga ilimnon nga makahubog ug 86 ka mga kaso ang natala sa illegal nga drugas ug uban pa.

Lakip na niini ang pagkasakop sa shabu sa diha sa pantalan sa Dakbayan sa Sugbo nga dalhon unta paingon sa Leyte.

Sumala pang De Leon ang mga Provincial, City Directors na maoy mag-igo kun kanus-a nila gustong i-pullout ang ilang mga sakop nga gipabantay sa mga sam-ang. Matud niya bisan pa man nga human na ang pagtimaan sa maong mga adlaw aduna pa gihapoy mga tawong moduaw sa ilang mahal sa kinabuhi tungod kay naglikay sila sa daghang mga tawo nianang mga petsaha. (/IBM)(BANATNEWS)