Iro, iring sa Talisay gipangkapon, gi-ligate

CEBU, Philippines – Gipangkapon ug gipang-ligate ang iro ug iring sa Dakbayan sa Talisay kagahapon sa City Hall ground.

Ang programa gihimo nga libre sa taga City Veterinarian Office pinangulohan ni Dr. Mary Thessa Lorraine Alo.

Matud ni Alo nga ang maong programa makapaminus sa mga iro ug iring nga modaghan nga kasagaran wala na maatiman.

Siya nagkanayon nga kasagaran nga hitabo mao ang mga mananap nga mamatay nalang sa kadalanan kay naligsan ug ang uban makapaak sa mga tawo, makadisgrasya ug uban pa.

Asoy pa ni Alo nga sa ingon nga paagi malimitahan ang pagpanganak ug makapaanak ang mga iro gumikan sa ilang pagkapon ug ligate.

Wala sab gipalabay ang kahigayunan sa mga tawo nga adunay binuhi kay kini libre man nga gihatag sa gobiyerno.

Ang serbisyo mokantidad og P4 mil ngadto sa P6 mil kung sa pribadong veterinarian. (/GMR)(BANAT NEWS)