Shimura ug Oyas top sa PB pagpalabang og resolusyon

CEBU, Philippines — Sila si outgoing board member Sun Shimura ug ex-officio board member Earl Tidy Oyas ang dunay labing daghan nga napalabang nga resolusyon sa 14th Sangguniang Panlalawigan.

Base sa datos sa Provincial Secretary si Oyas nakapalabang og sobra sa 400 ka resolusyon gikan sa tuig 2016 ngadto sa 2019.

Matud ni Atty. Pulchra Marie Acevedo, provincial secretary kadaghanan sa resolution ni Oyas, mao ang commendation o pag-ila sa mga nalampos nga operasyon sa kapolisan batok sa ilegal nga drugas.

Si Oyas, dili na kini mahimong miyembro sa laing set sa mga board member sugod karong buwan sa Hulyo human siya nakadaog pagkabise mayor sa lungsod sa Catmon. Samtang si Bokal Sun Shimura nakapalabang kini og sobra sa 200 ka resolusyon, kapin 200 ka authored committee reports ug 3 ka approved ordinances.

Si Shimura nidaog usab kini pagkamayor sa Lungsod sa Daanbantayan. Nunot niini, si outgoing bise gobernador Agnes Magpale adunay sobra sa 100 ka committee reports, dul-an sa 200 ka authored resolutions ug walo ka ordinansa nga napasar sulod sa tulo ka tuig.

Ang maong datos posible pang mapun-an pa tungod kay aduna pay nahibilin nga regular session ang PB hangtud saHunyo 24. Subay niini, sukad sa paglingkod ni Magpale isip bokal ug bise gobernador gikan sa tuig 1992 hangtud 2019 dul-an sa 3 mil ka resolusyon ang iyang napanginahanan; sobra sa 300 ka committee reports ug 61 ka ordinansa. (BANAT NEWS)