CDs, handbook sa kalamidad gipangapod-apod
CEBU, Philippines — Nagsugod na sa pag-apod-apod ang Provincial Disaster Risk Reduction and Management Office (PRRRMO) og mga CDs ngadto sa mga eskwelahan.
Ang maong CD nag-ulohan og "Tales of Disaster" diin gisudlan kini og mga salida nga pambata pinaagi sa mga puppet nga naghatag og giya sa mga tinun-an kun unsay angay nga himoon panahon kun adunay katalagman.
Ang maong mga film adunay nagkadaiyang pinulongan sama sa Bisaya, Hiligaynon, Ilokano ug Waray.
Matud ni Rhee Telen Jr., disaster officer sa PDRRMO, nga kapares sa maong CD ang handbook alang sa mga magtutudlo nga gilangkuban sa kompleto nga lesson plan breakdown nga napuno sa daghang kalihukan nga mamahimong itudlo usab sa mga tinun-an kalabot sa disaster preparedness.
Ang maong handbook ug CDs gihimo kini uban sa nagkadaiyang international non-government organization ug ahensya sa gobiyerno sama sa Department of Education. (GMR) (BANAT NEWS)
- Latest
