Anti-drug operations sa CPPO apektado
CEBU, Philippines – Si Police Brigadier General Debold Sinas miangkon nga apektado karon ang anti-illegal drug operations sa Cebu Provincial Police Office (CPPO) human sa pagkarelibo sa 18 ka sakop sa Provincial Intelligence Branch.
Ang pagrelibo kanila may kalabotan sa misencounter nga gikamatay ni Cebu City Police Corporal Feliciano Yballe, niadtong Mayo 1 sa Sudlon Uno sa Dakbayan sa Sugbo. “It really affects our operation but we have to stop. Halted, ang anti-illegal drug operations for the time being but only in the province of Cebu,” si Sinas miingon tungod kay ang maong unit maoy kinadak-an og kontribusyon sa kampanya kontra ilegal nga drugas.
Mipasalig hinuon si Sinas nga dili apektado ang operasyon batok ilegal nga drugas sa station level.
Sigon pa ni Sinas, si Yballe himuon ra unta nga guide sa Barangay Sinsin diin giingong naa ang suspect sa pagpusil patay ni Police Master Sergeant Junard Cinco nga napatay sa ambush sa Toledo nianang pag Abril 30.
Si Cinco gikatahong gipatay agi og retaliatory attack sa grupo sa drug lord nga iyang gisubay. Ang maong drug suspek napatay sa PIB niadtong April 29 sa gabii sa Barangay Basak San Nicolas, Cebu City. Ang tracker teams, nanghinaut makatabang si Yballe, apan nagpabuto kini hinungdan sa engkwentro.
Ang iyang kapuyo giingong mitug-an kang Sinas nga na paranoid na si Yballe tungod may patong na iyang ulo sa mga drug lords.
Hinuon karong umaabot nga piniliay, i-deploy gihapon ang mga narelibohang PIB alang sa seguridad. (/IBM)(BANAT NEWS)
- Latest
