P200 mil kantidad sa shabu nasakmit
CEBU, Philippines — Nikaba ngadto sa P204 mil ang balor sa ilegal nga drugas ang nasakmit sa gipahigayong buy bust operation sa kapolisan gipangulohan ni Police Chief Inspector Keith Allen Andaya kagahapon sa buntag diha sa Barangay Quiot, Dakbayan sa Sugbo.
Nasikop sa maong operasyon si Mark Anco Tabar, 30-anyos, residente sa Greenbelt Drive 2, sa maong barangay.
Nasakmit sa mga polis gikan sa suspetsado ang 10 ka medium nga paketeng shabu nga nitambang tanan ngadto sa 30 gramos ug P500 nga kwarta nga gituohan halin sa ginadiling drugas.
Matud ni Andaya nga nakadawat sila og report kabahin sa ilegal nga kalihukan ni Tabar hinungdan nga nagpahigayon sila og operasyon batok sa suspetsado.
Giingong ang kapolisan nagpahigayon og pagpaniid kang Tabar sulod sa duha ka semana pagpiho sa mga taho nga ilang nadawat batok sa suspetsado. (Nichole Alexis A. Abas)(BANATNEWS)
- Latest
