Zafra ug Ong magtigi pagka-ABC president
CEBU, Philippines — Sa umaabot nga piniliay unya sa pagka-presidente sa Association of Barangay Council (ABC) pipila sa mga ngalan ang mitumaw nga posibleng magkontra mao ang outgoing president sa ABC Phillip Zafra ug reelected Kasambagan barangay Captain Franklyn Ong.
Ang mga kaalyado ni Zafra mibutyag nga gusto nilang ipadayon niini ang nasugdan sa ABC samtang si Ong mipadayag sab og interes nga modagan ug mismo si Mayor Tomas Osmeña miingon nga mas haom si Ong sa maong posisyon.
"I am hoping that our barangay captains will view the issue on that aspect because this is not all about me, this is not all about Franklyn Ong.
This is all about Cebu City and (the) association. Yes, I am identified with this group (Barug-PDP Laban) as I've said whatever it takes ang importante ang konseho dili mahimong rubber stamp," asoy ni Zafra.
Dihang gipangutana si Zafra kon unsay labaw niya kang Ong kini miingon nga siya independent minded ug dili siya hardcore politician. Si Zafra nagsugod isip ABC President niadtong 2013.
Samtang si Kapitan Franklyn Ong sa iyang bahin miingon kon siya ang pilion i-review niya ang benepisyo sa mga barangay councils ug ABC, i-review usab ang financial ug kontribusyon sa mga barangay.
Dunay plano si Ong nga pahugtan ang pakig-alayon sa Barangay Affairs Office aron mas paspas ang serbisyo diha sa mga barangay sa siyudad.
Gusto niya ang panaghiusa sa tanan bisan og managlahi pa og partido ug maningkamot kini nga ang tanan maserbisyuhan.
Si Ong nahimong Barangay Council's League Philippines National President gikan sa 2010 hangtod sa 2013. (/IBM)(BANATNEWS)
- Latest
