5 ngadto sa 6 ang patyon kada adlaw–Duterte
“Restore it and I will execute criminals every day – five or six. That’s for real,” matud pa sa presidente atol sa ika-38 nga birthday celebration ni Sen. Manny Pacquiao didto sa General Santos City niadtong Sabado sa gabii sumala pa sa Philstar.Com. AP/Bullit Marquez, file
CEBU, Philippines - Nibahad si Presidente Rodrigo Duterte nga lima ngadto sa unom ka death row convicts matag adlaw ang patyon kun mabalik na ang death penalty sa nasud.
Matud ni Duterte nga ang capital punishment pakyas nga pang-alkontra sa kriminalidad gumikan kay gamay lang ang nakombikto.
“Restore it and I will execute criminals every day – five or six. That’s for real,” matud pa sa presidente atol sa ika-38 nga birthday celebration ni Sen. Manny Pacquiao didto sa General Santos City niadtong Sabado sa gabii sumala pa sa Philstar.Com.
Nasayran nga gusto sa presidente nga mabalik ang death penalty sa nasud batok niadtong mga linoog nga krimen, illegal nga drugas ug kurapsyon.
Kahinumduman nga ang capital punishment gitangtang niadtong tuig 1987 sa panahon ni kanhi Presidente Corazon Aquino ug gibalik niadtong tuig 1993 ubos ni kanhi Presidente Fidel Ramos.
Ang mga krimen nga adunay silot nga death penalty mao ang rape, kidnapping for ransom, murder ug drug trafficking.
Gi-abolish na usab ang capital punishment niadtong tuig 2006 sa administrasyon ni kanhi presidente Gloria Macapagal-Arroyo ug sa panahon ni kanhi presidente Benigno Aquino III.
Sa wala pa molingkod sa pwesto si Duterte, daan na siyang nipadayag nga gusto niyang pangbitayon kadtong mga kriminal.
Hugot nga gisupak sa simbahang Romano Katoliko ang death penalty bisan og giaprubahan na sa committee level ang sugyot nga pagpabalik niini. (BANAT NEWS)
- Latest
