12 ka kandidato sa Toledo nitahan sa ilang armas
CEBU, Philippines - Dose na ka kandidato nga nagpapili og lainlaing katungdanan sa dakbayan sa Toledo karong Mayo 9, ang nitahan sa ilang mga armas ngadto sa kapolisan.
Gikan sa managlahing partido ang maong mga kandidato nga boluntaryong nitahan sa ilang mga armas aron mataptapan ang sumbohan timailhan sa ilang pagtinguha og malinawon nga piniliay.
Ang kapolisan moadto mismo sa panimalay sa mga mikandidato aron taptapan ang sumbohan sa ilang mga armas ug pirmahan kini aron mahibaw-an kun ilang gamiton.
Ang mga kandidato nga nagpataptap sa sumbohan sa ilang armas mao sila si kanhi Board Member Ian Zambo, Konsehal Zosimo Abellanosa, Sagay Barangay Kapitan Jimbo Luza, Media Once Barangay Kapitan Florante Restauro ug Poog Barangay Kapitan Anecito Alferez.
Nahibaw-an sa kapolisan nga adunay armas ang maong mga kandidato base sa masterlists nga gitipigan sa Camp Crame.
Aduna sa’y nitahan sa ilang mga armas kay wala pa nila ma-renew ang lisensiya. (BANAT NEWS)
- Latest
