52 pakete sa shabu dala sa 19-anyos
CEBU, Philippines – Nagtingkagol sa presinto sa kapolisan sa San Nicolas Police Station ang 19-anyos nga lalaki human kini nakuhaan og pinakete’ng shabu sa Magsaysay Street, Barangay Suba, Dakbayan sa Sugbo pasado alas 9 sa nakalabay nga gabii.
Giila ang dinakpan nga si Arjun Gonzales, ulitawo nga nagpuyo sa mao’ng dapit.
Nadakpan si Gonzales human nihimo og pagpatrolya ang kapolisan sa maong dapit sa pagpangulo ni Senior Insp. Chuck Barandog, hepe sa mao’ng buhatan.
Ang pagpatrolya gipahigayon nunot sa nadawat nga impormasyon nga dunay nagpayuhot og drugas sa lugar.
Atol sa pag-roving sa kapolisan, ila’ng nasigpatan ang suspek nga kadudahan ang lihok hinungdan nga gisita.
Sa pagsubay sa kapolisan ilang narekober gikan sa posisyon sa dinakpan ang 52 ka gagmay nga pakete sa gituohang shabu.
Pasakaan og tukmang kaso ang dinakpan. – /GMR) (BANAT NEWS)
- Latest
