Pagsuspenso kang Garcia leksiyon sa uban

CEBU, Philippines – Kini ang gipadayag ni Bokal Grecilda Sanchez, vice chairperson sa committee on complaints and investigation sa hunta probinsiyal.

Matud ni Sanchez human sa gidangatan ni Garcia, magmatngon sa ilang pagpanerbisyo ang ubang opisyal. Nipatigbabaw ang unom ka buwan nga pagsuspenso kang Garcia bisan pa sa mosyon ni Bokal Alex Binghay nga himuon lang tulo ka buwan.

Si Garcia nibahad nga mopasaka og kaso batok sa mga nipirma sa committee report sa iyang kaso.

Matud niya nga wala siya’y makab-ot nga hustisya sa hunta probinsiyal kabahin sa iyang kaso sanglit mayoriya kaalyado sa Liberal Party nga partido ni Bise Mayor Efren Gica.

Si Gica ang nisang-at og kaso’ng grave misconduct ug grave abuse of authority batok ni Garcia sa hunta probinsiyal.

Kagahapon subling gibasura ang mga motion for reconsideration nga giduso ni Garcia.

Matud ni Sanchez nga humana hatagi og kahigayunan si Garcia sa pagduso sa iyang mga ebidensiya ug pagluwat sa iyang pamahayag ug humana usab ang gipahigayung imbestigasyon.

Gipasabot ni Sanchez nga 25 ka kaso ang giduso sa committee ug kinahanglang ila kini’ng maatiman. – /GMR) (BANAT NEWS)