Oil price rollbacks ipatuman karong adlawa

CEBU, Philippines – Sugaton og oil price rollbacks ang mga motorista karong semanaha sugod sa alas 12:01 sa kaadlawon.

Sumala pa sa report sa GMA News.tv, ang Seaoil gikatakdang mag-rollback sa ilang presyo sa gasolina, diesel ug kerosene. Ang gasolina moubos og P1.25 per liter ,  P1.45 per liter sa krudo ug P1.25 per liter sa kerosene samtang mipahibalo usab ang PTT  nga mag-rollback kini sama sa presyo sa krudo ug gasolina sa Seaoil apan P1.45 per liter sa kerosene.

Una nang mipahibalo ang big players nga Petron ug Shell nga mopatuman sila og big-time price rollbacks karon gihapong adlawa ug may pagkaparehas gihapon sa gipatumang rollback sa ubang oil players. (Gikan sa Wires/EIM) (BANAT NEWS)