Brgy hall paablihan Sabado, Domingo

CEBU, Philippines - Paablihan ni Lapu-Lapu City Mayor Paz Radaza ang tanang barangay hall sa siyudad sa adlaw’ng Sabado ug Domingo kutob Enero 20 alang sa buot mo-renew sa ilang business permits.

Si Radaza niluwat sa kamandoan aron mahatagan og higayun ang 7,000 ka patigayun nga maka-renew sa ilang permit sa dili pa ang deadline. Gawas sa City Hall, mahimong maka-renew sa ilang permit sa mga barangay halls.

Tinguha ni Radaza nga mahuman og sayo ang pagproseso sa ilang mga dokumento diin apil kini sa commitment sa siyudad nga mahimong "business-friendly."  (BANAT NEWS)