House Inquiry sa hinabang sa Yolanda giduso
CEBU, Philippines - Nagtinguha si Kongresista Benhur Salimbangon sa ikaupat nga distrito sa lalawigan sa Sugbo nga himuon ang inquiry kalabot sa pagpangapod-apod sa building assistance program sa iyang distrito.
Matud niya nga sa walo ka lungsod ug usa ka siyudad sa distrito, usa lang ka munisipyo ang nakadawat.
Sa House Resolution 1747 nga giduso ni Salimbangon, iyang giawhag ang House Committee on Housing and Urban Development ug Senate Committee on Urban Development, Housing and Resettlement nga mohimo sa inquiry.
Matud niya nga ang lungsod sa Bantayan, Daanbantayan, Madridejos, Medellin, San Remigio, Santa Fe, Tabogon ug Tabuelan nakasinati og grabe nga kadaut sa bagyong Yolanda niadtong Nobiyembre 8, 2013.
Matud niya ang Kongreso ni-aprobar sa P14.6 bilyones nga pundo niadtong 2013 ug dugang P160 bilyones alang sa post-Yolanda recovery and rehabilitation program diin lakip niini ang
housing assistance. (BANAT NEWS)
- Latest