Bidding sa CCMC usbon

CEBU, Philippines - Gideklarar ni Mayor Michael Rama nga pakyas ang bidding sa tukuron nga bag-ong Cebu City Medical Center.

Gikatakda ang subli nga bidding sunod tuig aron pagklaro sa mga alegasyon ug reklamo kabahin sa giingong favoritism.

Niadtong Oktubre gipahigayon sa Bids and Awards Committee (BAC) ang pag-bidding sa unom ka contractors nga gilangkuban sa Dakay Construction, WTG Development and Construction, CE Padilla, EM Cuerpo, SCDI General Construction, ug Duros Development Corp.

Ang WTG Construction ang nigawas nga mananaug apan gi-disqualify tungod sa kakuwang sa dokumento.

Gitangtang na usab si Konsehal Mary Ann Delos Santos isip usa sa mga sakop sa BAC.

Bag-ohon ang terms and condition sa qualification sa sunod bidding. (Sheriza Mae Uy, USJ-R Masscom Intern/GMR)(BANAT NEWS)