Pictures sa mga criminal i-post sa Facebook

CEBU, Philippines – Giplanohan karon sa officer in charge sa Cebu City Police Office (CCPO) nga i-post   sa social networking sites ang mga dagway sa mga notadong tulisan aron makabantay ang publiko nga dili mabiktima sa maong mga kriminal.

Si Senior Superintendent Conrad Capa nagtuo nga dako ang matabang sa social media sa kampanya batok krimen.

Ang pagbutang kanila sa internet usa lang sa mga pagpangandam nga himuon sa CCPO alang sa nagsingabot nga kapaskohan ug mga kalihokan dinhi sa siyudad.

Apan gipasabot sa opisyal nga ang mga station commanders kinahanglang mopatuman og hugot nga seguridad sa ilang mga hurisdiksyon.

Kagahapong adlawa miatubang si Capa sa Police Community Advisory Council (PCAC) sa Cebu City Hall ug gipangayoan og ideya kung unsa ang iyang plano sa seguridad sa umaabot nga kapaskohan. – /EIM) (BANAT NEWS)