Kanhi lider sa union gidakop
CEBU, Philippines – Usa ka kanhi lider sa Union sa Atlas Consolidated Mining and Development Corporation nga mao karon ang Carmen Copper Corporation sa Toledo City ang gidakop sa kapolisan sa kasong paghupot og mga armas ug eksplosibo.
Si Antonio “Tony” Cuizon, 58, ang giaresto sa tropa sa Criminal Investigation and Detection Group-7 sa niaging adlaw sa Cavite pinasikad sa warrant of arrest nga gi-isyu ni Regional Trial Court Judge Ruben Altubar sa dakbayan sa Toledo.
Mga operatiba sa CIDG-7 uban sa tabang sa ilang mga kaubanan sa Cavite ang nidakop kang Cuizon sa barangay Buhay na Tubig sa Imus City.
Gitug-an ni Cuizon nga wala siya nasayod nga may warrant of arrest
Ang Regional Intelligence Division (RID) nihimo og pagpangronda niadtong Marso sa niaging tuig ug nakuha ang mga armas ug mga explosives sa panimalay ni Cuizon sa barangay Das, Toledo.
“Wa ko’y granada, wa ko’y armas, wa ko diha sa opisina, retire na ko sa Carmen Copper, wa ko diha pag-raid nila, mi nganhi ko sa CIDG para ma-clear akong ngan,” matud ni Cuizon
Si Cuizon gibanhigan niadtong 2005 apan nakalingkawas sa hitabo.
Wala’y girekomendar nga piyansa ang korte sa kasong illegal possession of explosives apan P80,000 ang piyansa nga girekomendar sa kaso’ng paghupot og wala’y lisensiya nga armas. – /GMR) (BANAT NEWS)
- Latest
