Asawa gidunggab og ka 50
CEBU, Philippines - Nadakpan sa kapolisan kagahapon kadtong bana nga midunggab sa iyang asawa sa makadaghan g’yud nga higayon gamit ang gunting didto sa Barangay Japitan, Barili sa miaging adlaw.
Gitanggong na sa bilanggoan si Miguel Montemayor, 28, ug giandaman na og kaso nga frustrated parricide tungod sa pagtinguha niya pagpatay sa asawa nga si Maria, 23, nga gidunggab og dili mominos 50 ka higayon.
Matud pa ni PO2 Jeffry Alpas nga si Montemayor miikyas human sa hitabo apan mibalik kagahapon mao nga gidali pag-adto sa mga polis.
Gituohan nga selos ang nagtukmod ni Montemayor nga iya untang patyon ang iyang asawa nga gituohan niya’ng nagluib.
Si Maria anaa pa sa Vicente Sotto Memorial Medical Center tungod sa kadaghan sa mga samad. Ang iyang bana walay tingog-tingog samtang gitanggong sa bilanggoan sa Barili. (BANAT NEWS)
- Latest
