Natulog sa waiting shed gikuotan
CEBU, Philippines - Nadakpan sa mga barangay tanod ang usa ka tawo nga nanguot og pitaka sa tawong natulog sa waiting shed sa may dalan M.C. Briones, Subangdaku, dakbayan sa Mandaue kagahapon sa kadlawon.
Ang nadakpan mao si Erwin Novecio, 35, taga Santa Cruz, Guizo, samtang ang biktima mao si Peter Gabato Bayno, 38, minyo nga taga Galaxy, Maguikay, sa maong dakbayan.
Matud ni SPO1 Michael Limalima nga nakatulog ang biktima sa waiting shed samtang nagpaabot og sakyanan pauli sa ilang panimalay ug ang suspetsado nga nakamatikod dali usab nga miduol ug gikuot ang pitaka niini.
Ang tanod sa Subangdaku nga si Joel Ocon nga nag-duty sa outpost nga nakamatikod sa gihimo sa suspetsado ang daling midakop sa suspetsado ug gitahan ngadto buhatan sa kapolisan. (BANAT NEWS)
- Latest