Mga estambay nga kabataan tudloan sa programa sa gobiyerno
CEBU, Philippines - Ang Department of Education (DepEd) Mandaue City Division mibansay og 44 ka mga magtutudlo sa publikong tulunghaan alang sa “Abot Kamay Program” sa kagamhanan.
Ang maong mga magtutudlo maoy tahasan pagtudlo sa mga batang wa magtungha matag adlaw nga Domingo diha sa mga day care centers sa barangay.
Ang Abot Kamay Program usa ka programa sa nasudnong kagamhanan nga gipaagi sa DepEd nga ang tumong nga ma-edukar ang mga batang wala magtungha.
Si Roger Paller nga maoy Public Information Office (PIO) sa kagamhanan sa maong dakbayan miingon nga suportado sa dakbayan ang maong programa ug gidasig ang mga ginikanan nga patungahon ang ilang mga anak sa maong klase.
Ang siyudad migahin og budget alang sa pagkaon sa kabataan nga motungha. Duna nay usa ka libo ka mga bata ang nagpalista nga buot makat-on og basa pinaagi sa maong programa nga magsugod ang klase sa Hulyo 6 niining tuiga. (BANAT NEWS)
- Latest
