Mitulis sa pag-umangkon ni Mayor Rama gidakop
CEBU, Philippines - Suspek sa pagtulis sa pag-umangkon ni Mayor Michael Rama sud sa jeep pasaheroan nadakpan sa mga sakop sa Pari-an Police Station diha sa dalan Jakosalem sa nahisgutang barangay kagahapon sa kaadlawon.
Ang nadakpan mao si Eddie Solon, 35, taga Barangay Carreta, Cebu City kinsa kalit nga midagan pagkakita sa mga polis hinungdan nga kini gigukod ug dihang nadakpan, nakuhaan kini og usa ka gamay nga paketeng gituhoan nga shabu.
Sa pagsukit-sukit kaniya, si Solon mitug-an nga nalambigit siya sa pagpanulis sa Barangay Carreta duol sa Chinese Cemetery niadtong Mayo 31 diin usa ka dalagita ang iyang nabiktima sud sa pasaheroan nga padung sa Talamban. Nasuta nga ang maong dalagita mao ang 15-anyos nga pag-umangkon sa mayor nga taga Barangay Calubihan, Cebu City.
Sa pakighinabi sa Banat News sa dinakpan, wa kini milimod sa maong pagpanulis. (BANAT NEWS)
- Latest
