Iro gibanggaan, drayber patay

CEBU, Philippines - Niliki ang ulo sa drayber sa motorsiklo nga nalamba sa aspaltadong karsada human nakabangga og iro sa Barangay Pandacan, Pinamungajan hinungdan sa iyang kamatayon.

Ang biktima mao si Desiderio Tangoan, 44, minyo  ug lumad nga taga Barangay Awihao, dakbayan sa Toledo.

Giingong gikan sa Poblacion, Pinamungajan ang biktima ug paingon na unta nga mopauli sa Toledo sa dihang kalit lang usa ka iro ang mitabok sa karsada ug nabanggaan sa gimanehong motorsiklo.

Wala’y helmet ang biktima atol sa insidente.

Dali pa untang gidala sa Pinamungajan District Hospital ang biktima apan nakabsan gyud sa kinabuhi. (BANAT NEWS)